للـحـديث بـقـيـّـة .. !؟

[جابر هايف]

في فترة الغياب السابقه كنت احاول انغلق على نفسي للخروج بنتيجة واحده في حياتي الأكثر من ( جميلة ) فكرت بأن أجمع فلوس علشان أسدد الديون وأحج لبيت الله الحرام لأني من سبع سنين أبي أحج ولاقدرت بسبب ( الدياااانه ) المهم والاكيد اني اقتصدت بكل شي وحرمت نفسي كل شي علشان مالعب بالفلوس وفي قمة الحرمان طلعت لقهوه دايم يجلسون فيها اخواني والشلة , قلت خلني اروح اشرب قهوه واتعشى واقوم واطلع قبل يطلعون علشان مااحاسب وبكذا أكون أستفدت ( عشى + معسل + سوالف ) ببلاش . رحت للمقهى مالقيت احد اتلفت يمين يسار ماااااااااافيه احد جلست وكلي خيبة أمل وادعي ياربي يجي احد والجرسون رايح جاي ( تشرب حاقه ) وأنا أقول تسلم ومشكور منتظر واحد الحين يجي ونطلب اتصلت على اخواني وينكم << يعني مشتاق لهم قالوا معزومين ولاحنا جايين << يارب وش هالحظ ساعه وبعد الساعه انتظار شفت اخو صديق لي جالس ع طاوله بعيد عني .. قلت حلوو رحت له السلام عليكم .. كيف حالك اخبارك اخبار اخوك فلان وينه ماعاد نشوفه .. وهو ياهلا والله حياك الله والله فلان موجود وطيب بس انت ياجابر ماعاد تنشاف ( مايدري اني بحالة تقشف ) . قال استريح وانا اتغلا لاوالله مستعجل .. قال يارجال استريح خلنا ناخذ علومك جلست وانا من داخلي اضحك ومبسووط انها فرجت . اخذني بالسوالف وطنش ماطلب لي شي وانا اطالع بالقرسوون ( واغمز ) والغبي القرسون ( يغمز ) << شكله فهمني غلط المهم دخلنا بالسوالف وين رحت ووين جيت ووين سافرت ومتى بتسافر ومن هالكلام اللي كله خساير ودفع . قال بوريك شي على طاري السفر << يدري اني على طريف وهواوي قلت طيب قال انا توني جاي من المغرب وشوف هالبلوتوث قلت طيب واقول بداخلي يااخي اطلب لي اي شي علشان اشوف فلمك بنفس حلوه وروقان .. وراني شي ولااروع ولااجمل , لدرجة اني نسيت العشى والمعسل وكل شي وتخدرت كلي . وطال الجلسة وجانا القرسون تشرب ايه ياباشه قلت ماعاد ابي شي ( شربت بعيوني ) والرجال يحلف لاوالله تشرب شي قلت لاوالله خلاص , قال مايصير قلت إلا يصير وصار بعد ساعه مشيت وانا بالي وفكري مع اللي شفته بالجوال من افلام سفر للأخ الصايع رحت البيت وجلست بالغرفه وفتحت اليوتيوب وكتبت رقص مغربي << فضول لااكثر وطلع لي مقطع ياااااااااااااارب سترك وحده لابسه تايقر بأول مقطع << يعني شووفوا المقطع واندمجت معها ( الله يصلحها ) وساعات اعيد المقطع وكل مافتحت النت فتحت المقطع وبليلة من الليالي بعد ساعات من النظر والتأمل بالمقطع , قررت اني اسافر للمغرب اغير جوو لااكثر وصار تضارب داخلي اروح لا مااروح فلوس الحج << ياعمي بعدين تحج يااخي حرام << يااخي انت كلك ذنوب وهالصراعات بين شيطاني وملائكتي وانتصر شيطاني .. وطرت للمغرب للأسف << ماهي من قلب هالأسف وطيرت فلوس الحج وجيتكم فقير مذنب مفلسسسس // اغواني الشيطان في هزة الردف // وشيطاني الملعون يعرف هوايه راحت فلوس الحج ع الفاتن الترف // ورجعت ماأملك ريال لعشايه // وبسسس

[جابر هايف]

ياحلمي اللي يصحبك صوت مبحوح

=مبطي ماجيت بجسمها واغتصبته

عفت السهر عشان اقابل منى الروح=لكن حسافه عافني من رغبته

أنا الفيلسوف الذي يتحدث لغة جسدك

[جابر هايف]

أنا على ثقه بأن المرأه أسرع وصول للقمه وأسرع نجاح من الرجل فهي تملك ( مقومات النجاح ) اللتي يفتقدها الرجل من ( نهد وردف واغراء ) وليس الكل طبعًا بعض النساء الرجل اكثر انوثه منها ونعومه . قيل : أن الأديب : نجيب محفوظ تلقى دعوه لحضور حفل تكريم وطلع الأديب نجيب محفوظ وركب ( تاكسي ) وتوجه للفندق المقام فيه الحفل ولما وصل ونزل من التاكسي توجه له كم واحد يرحبون فيه واثناء ترحيبهم فيه وصلت سياره ( آخر موديل ) ونزلت منها صاحبة الوقار ( فيفي عبده ) وراحوا الجميع يركضون لها ويستقبلونها بأجمل حفاوه . وبقى نجيب الأديب لوحده ويناظر للموقف الغريب . وجت تمشي صاحبة الوقار لنجيب وقالت : شفت يانجيب الأدب عمل فيك أيه وقلة الأدب عملت فيني أيه . يعني 50 سنه كتابات أدبيه تتفوق عليها أسبوعين ( هز وسط ) أمممم لاعجب والمشكله ان النجاح من اسباب الرجال يعني ( راقصه ) << والطبال رجال * جحش * راقصه << واللي ينقط رجال راقصه << وكل المرقص من أشباهي الرجال راقصه << والفرقه الموسيقيه << حمير يعني على اكتاف الرجال بلغت المجد ( المرأه ) سواءا كانت راقصه أو تعمل دعاية شامبو وكريمات << صاحب الشركه المنتجه رجال ... قبل فتره كنت احلق في حلاق بجده واسولف انا والحلاق التركي عن تركيا وطبيعتها وقلت كيف السياحه فيها الحين قال ياعميييييي تركيا ولعت نار قلت ليش لايكون السما ممطره بترول عليكم << ظريف قال يااخي الشعب الخليجي ولع الاسعار بعد مسلسل ( لميس ) قلت من جدك انت قال اي والله العظيم ماعاد نقدر نمشي في بلدنا من زحمة الخليجيين يارررب وش هذا معقوول اقتصاد دوله يقوم على ( امرأه ) < < بفضل اهل الكروش الرجال الخليجيين طبعااا هنيئًا لكم يامعشر النساء هذا المجد وبلوغه

[جابر هايف]

أصوم لكن إن تذكرتك أفطرت /

=ماهوب كيفي من سبب .. الجنابه

ماأذكر إني صمت إلا وتذكرت /

=شي ٍ عجزت أدونه .. بالكتابه

تدري وربي كلي لجلك تبعثرت / يالظالم اللي مارحمني غيابـــه !!

[جابر هايف]

:

لامؤمنن بالعشق ولا كافر ٍ بك=

كذا وكذا كنّا وكان الذي كان

مليت أحبك بس .. مامل حبك=

واللي كفر بك ممتلي عشق وإيمان

[جابر هايف]

بعض مقتطفات من الجديد القادم :

المواطن : ج / هـ

إلى سعادة الرئيس : اللي معيشنا ( بجحيم )=بعد التحية سيدي : شفنا نجوم القايلة
أنا المواطن جـ / هـ / وأنت اللئيم أبن اللئيم=وهذا الشعر يابن اللئام أنا ترى اللي قايله

,,,

هّيه كذا

والمحترم إذا بغى أن يحترم .. ياكل خرى=يعني ترى أنت المحترم .. وأنا الأديب أبلا أدب
تعرف رجب ؟! أسأل رجب !! ليه ردني ولا أحترى=يومه سمع ( هيفاء ) تقول أبعد رفيقـك يارجـب
كل النساء إن شفتهن بشويش يرجعـن ؟ لـورى=هن راغبات ولو تمنعن بمعنـى !؟... ( إقتـرب )
كن هكذا في واقعك وأبعـد عـن احلـوم الكـرى=فـلا يصـح إلا الصحيـح ولاتقُـل هـذا عجـب
وإن أغتُصبت وكنت عاجز أن ( تقاوم ) ماجـرى=فكـن بقمّـة شهوتـك وأستمتـع أنـك تُغتصـب

,,,

الجرح

من شق ستر البارحه وشافه الصبح=غير الحزين الممتلي من الكآبه
واللي سرق قوت العصافير والقمح=فرن الرغيف أحرق يديه وثيابه

,,,

جابر

[جابر هايف]

لاتقول عمك وأنا لك سيد وعم

=ينزل تحت رجلي مقام أرتفع بك
منته بعمي جعل تعمى وتبكم=ولا أبوك جدي وجدتي ما أحملت بك
ولابيني وبينك قرابة ولا دم=ولا أظن حتى جدتي زانية بك
عمى بعينك منت عمي وتحلم=وأخوان أبوية لولا طيبي .. بدربك
ماينفرض عليّ حاجة ولا ألُزم=ولايعني إنك تلتقي فيني .. قربك
تواضعي لله .. ماهو بك أهتم=القدر واحد للي قبلك وعقبك
وإن كنت ماتفهم بوضح وتفهم=والصفعه اللي تفهّمك .. غير ضربك
أفهم وخلك بعد ماأحكي تكلم=حكيي معك نعمه وأسجد لربك
أنا وأنته واحد بناتج الكم=لأني أنا الواحد وأنته .. ما أحسبك