أعذرونـي .. !!

[جابر هايف]

أعذروني على اغيابي إذا سنين طال=وسامحوني لو إني غبت ولاعاد اجي
حالي أعلم به الله وعالم بكل حال =هو عليم ٍ بضيقي وفي يديه افرجي
الشقا يطول بي وطالت معاه الليال=والرجى برحمة الله وغيرها ما ارتجي
كنت أظن قوتي فالقدرة ع الأحتمال=وكل شي أحتملت ولا أحتملني أدرجي
كم حرام ٍ رغبته صار عندي حلال = وإن دخلت المكان أعرف جهة مخرجي
نلت أصعب منال وهوه صعبٍ ُينال=من شوارب رجال أو أنثى تتغنجي
ما أهاب الرجال وهايبيني رجال=وهايبي عذره إني شاعر ٍ بلطجي
أمتيازي إذا هو نصب وفن أحتيال=نفسي ماهي ضعيفه بس ذا منهجي
كم وكم ذمني اللي عرفني بُيقال=لأن حلوي يعرفه من يذوق أحدجي
جاهلي الردي لوطاب عم ٍ وخال=من خسر لا أمدحه يربح معاي الهجي
لكن الدايم الله وكل شي ٍ زوال=شاعر وموتي يحيي الورق بأدرُجي
خانني الزمن ماعاد فيها مجال =صار عمري وموتي مثل ثبر وسجي
يمكن أبرحمة الله أنتهي بالعدال = بين خشعة سجود ونية العربجي
ويمكن الله يمد العمر ولا هو محال=ويكتب إني أجي وأنا أحسب إني ما أجي